Служба Пресвятыя Богородицы ради чудотворной ея иконы «Тучная Горо» на утрени

Служба Иконе Божией Матери, именуемой «Тучная Горо»  на Великой вечерне

На ,,Бог Господь,, тропарь, глас 4:Владычице премилосердая,/ Мати святая Невместимаго вместившая,/ вразумляющая неразумных и утешающая малодушных,/ прибежище отчаявшихся и больных детей врачевание./ Яви нам, Дево Пресвятая, своя богатыя милости,/ спаси и сохрани люди Тебе почитающая, / Ты бо граду Твери покров и заступление

Трижды

По 1-й кафизме Седален:

Слава Тебе Богородице, Слава Сило непоколебимая, на бесов и на ереси богомерзкия все ангельское воинство ополчающая, приими и нас в Твои соратники, яко есмы простое Христово воинство, от Святаго Крещения на брань духовную призванное.

Слава и ныне:

От млада уготованная ко служению Господу, яко Божиий Алтарь, явилася Дево, приявшая благословение Отчее, архангелом Ти принесенное, и яко Святая святых, освященная пребыванием Божества, и Сама своим благословением образ Свой освятиша, от него же ныне черпаем благодать исцеляющую.

По 2-й кафизме Седален:

Приидите утруждаемые и приимите награду, яко Богородица ныне о всех нас пред престолом ходатуйствует; приидите ожесточенные и жаждущие мира, яко Преблагая умягчает сердца; прииди скорбные сердцем, яко Пречистая отирает слезы обидимым, приидите вси, воспоим теплую пред Богом о нас Заступницу.

Слава и ныне:

Благодатная Марие, ныне славословием велиим прославляемая, призри на наши моления, предвари всякому бедствию, защити ны от нужды и болезни, милостию наши домы покрывающая, яко покровом и щитом багодати Твоея, Единая Неискусобрачная.

Полиелей: Хвалите имя Господне.

Величание: общее иконе

Псалом избранный 67: Да воскреснет Бог и расточатся врази Его:

По полиелеи Седален:

Любовью к Богу возставляемая, милосердием к страждущим понуждаемая, Пресвятая наша Владычице, ласкою матернею и нежностию, и теплою о нас молитвою, и святою Твоею иконою с нами пребываеши присно: сие сокровище имамы, вражии прилоги вменим ни во что же и обратимся к путием спасительным, славяще Твое, Богородице, заступление.

Слава и ныне:

Видеши Мати мя яко немощну; ведаеши Чистая мя яко скорбнаго, приими мя яко беззащитнаго, и помози мне ныне яко оскудевшему, несть бо инаго мне заступления, разве Тебе, Неблазная; на Тя, Дево Пречистая , уповаю.

Степенна, 1-й антифон 4-го гласа: от юности моея:

Прокимен, глас 4: Помяну имя Твое во всяком роде и роде

Стих: Слыши дщи и виждь и приклони ухо Твое

Евангелие от Луки, зачало 4.

По 50-м псалме.

Слава:

Молитвами Богородицы, Милостиве, очисти множество согрешений наших.

И ныне, тойже.

Помилуй мя Боже, / по велицей милости Твоей,/ и по множеству щедрот Твоих/ очисти беззаконие мое.

стихира сия:глас 6:

Воспоим братие Отрасль древа Давидова, и пророков исполнение, Матерь Божию и по рождестве Деву, и Иродово посрамление, яко от Нея родися безсеменно Отроча Бессмертен, и Спасение наше явися несумненное, велиару злому студ и поражение, и Божией Премудрости свершение и велия Славо; Та нас любовию своею присноублажает, яко и мы Ея любимые чада заблудшия, Пресвятая Богородице и наша Хранительнице, моли за нас Христа Бога теплыми своими молитвами.

Канон, глас 4

Песнь 1

Ирмос: Отверзу уста моя и наполнятся духа, и слово отрыгну Царице Матери, и явлюся светло торжествуя, и воспою, радуяся, Тоя чудеса.

Пресвятая Богородице спаси нас

Ныне Церковь Божия празднует, ангели со святыми ликуют, людие и всякая тварь безсловесная радуются, слава бо Богородицы возсия от иконы Ея пречестной.

Пресвятая Богородице спаси нас

Всякое дыхание и тварь, славословят Тя и ангели вси, Церковь небесная и земная честной иконою Твоею украсилася еси, и мы с ними Тя, Богородицу, ублажаем.

Пресвятая Богородице спаси нас

Ни в дусе, ни в трусе, ни в огне, но в гласе хлада тонка Бог, такожде и в конце времен избра Господь Себе в жилище утробу чистую, тишайшую и смиренную, Тя, Отроковице, ныне прославленную.

Пресвятая Богородице спаси нас

Жено в женах благословенная, Дево еюже девство освятися, образ Твой имамы яко поруку присного о нас заступления. Моли Бога о нас, да прославим, Дево, Твоя чудеса.

Песнь 3

Ирмос: Твоя песнословпы. Богородице, живый и независтный источниче. лик себе совокупльшия духовно утверди, в Божественней Твоей славе венцев славы сподоби,

Пресвятая Богородице спаси нас

Гавриил глаголал еси Деве, яко древле змий глаголал еси Еве, обаче инии глаголы. Се бе глаголы живота вечнаго, змиина же лесть суть погибель и тление; молитвами Твоими, Приснодево, сих избави нас.

Пресвятая Богородице спаси нас

В канун великаго праздника Благовещения Твоего, яви во граде Твери древле чудо велие от иконы Твоея, и отчаянную спасе от мужа зле мучимую, мы же о милости Твоей и ныне радуемся.

Пресвятая Богородице спаси нас

Пред днем Собора Михаила Архистратига и Святых бесплотных Сил бе от иконы Твоея иныя велия чудеса, исцеляя болезни мнози, паки и в третий бо раз чтим образ Твой святый, Тучную Гору, во дни после Собора Гавриилова.

Пресвятая Богородице спаси нас

Видяще в таковом устроении сугубое знамение удивляемся и зрим, яко вси небеснии чини покланяются воистину сей ангелоподобней иконе Твоей, Горе Тучней, мы же с ними светло празднуем: радуйся и Ты, Дево, ангелов и архангелов предивная Водительнице.

Седален: Заступница неложная и Стена нерушимая, в бурех страстей тихое Пристанище и из сени смертней к животу вечному Путеводительнице, непрестанно молися Богу, всем верным непостыдное подающая утешение.

Слава и ныне:

Ты еси Дом Божий, Горница приукрашенная, Слава и Честь роду человеческому, украшение мира горняго, Гора Тучная, верным опора, блудным устрашение, радость и упование поющих и хвалящих Тя.

Песнь 4

Ирмос: Седяй в славе на престоле Божества во облаце легце. прииде Иисус Пребожественный. нетленною дланию. и. спасе зовущия: слава. Христе, силе Твоей.

Пресвятая Богородице спаси нас

Славим чудо Твое велие, яко от образа, яже на доске неживотней, истече по слову Твоему благодать многомощная, от елея же лампаднаго изшед сила, в таковых же есте милость, и благодать, и слава Богородича, яко прорекла еси первому иконописцу Твоему и благовестнику.

Пресвятая Богородице спаси нас

Чудо сие от Тебя велие зело вемы: сила благая Сыном Тебе сообщенная Божественным, яко истинней Божией Матери, Твоя же утроба, яко Храм бе, яко ковчег Завета, зане освятися Божества пребыванием, и Тобою же вольне иконе святей Твоей та сила дадеся.

Пресвятая Богородице спаси нас

Ныне чада Твоея верныя славим Тя, Пренепорочную, и Христа, Сына Твоего и всея твари Спасителя, нас бо, в Церкве Божией спребывающих, благословляющаго на иконе Твоей, Ты же дарова сей образ нам святый, яко присное благословение Спасителево.

Пресвятая Богородице спаси нас

Ты о святих радуешися, Ты и о грешних печалуешися, Ты присно ко Христу молишися о сущих далече; даждь и нам благое поспешение Твое пред иконою Твоей предстоящим, Благая заступнице, славящим Тя и Сына Твоего.

Песнь 5

Ирмос Ужасошася всяческая о Божественней славе Твоей Ты бо., Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя мир подавающая.

Пресвятая Богородице спаси нас

Тя Гору Тучную зрят вси вернии раби Твои, яко высока есть и к Царствию Божию чад своих возводиши, и за ны Сына молиши, мы же Тобою от бед избавляемся, Приснодево.

Пресвятая Богородице спаси нас

Архангелом обрадованная, обрадовала еси вси чини небеснии, житием своим праведным и Рождеством превечнаго Слова, все Божий свидения ко благому исполнившая.

Пресвятая Богородице спаси нас

На Тя, Пречистая, из утробы изшедшу, и нас на Кресте спасшу, Сын Твой и Бог наш указа нам, яко на заступление и твердыню, яко на благочестия образ и подобие, яко на источник цельбы неизсякаемый.

Пресвятая Богородице спаси нас

Мати Святая и Преблагословенная, призри на немощи и страдания наша, мы бо зде пред честною иконою Твоею молимся, еяже яко надежду несумненную имамы, присно с нами пребывающую.

Песнь 6

Ирмос: Божественное сие_всечестное совершающе празднество. богомудрии. Богоматери приидите. руками восплещим. от Нея рождшегося Бога славим.

Пресвятая Богородице спаси нас

Слезы моя иссушила еси, боль сердца моего претворила еси в радость, яко мать коснулася еси главы сироты обездоленнаго, рыдания преложив в веселие, Богоблаженная .

Пресвятая Богородице спаси нас

Ныне град Тверь празднует, ныне велиар трепещет. Ныне храм Твой светом наполнишася, ныне адовы бездны содрогнушася. Щит бо широк и крепок в руце верных, – сей щит есть икона Твоя, о ней же радуемся, и Тя Богородицу величаем.

Пресвятая Богородице спаси нас

Исцелений присное Исходище, Звездо огнем смарагдовым во мраке светящая, Юница освященная, старцев богомудрих разумом превысшая, Лепота Пречистая, в Нюже облечеся воплощшийся Бог, Мария, Мати и Дево, блажим и поклоняемся Ти.

Пресвятая Богородице спаси нас

Радуйся с нами, яко от иконы Твоея слепни видят, глухии слышат, чада скорбныя крепнут и просвещаются ко служению Господу, Ты бо еси наша Отрадо и присное Упование.

Кондак,

глас 8: Прославим икону Девы всепетой, именуемой «Тучная Горо»: /источниче чудес и верных изрядное сокровище, /в домы вносимую и благодать и цельбы изливавающую, /тишину и умирение во вражде сущим подающую.

Икос: Возсия слава Твоя, Богоблаженная, от иконы Твоея, яко благословением благостынным ныне ущедриша ны, и сердца любящих Тя сладким медом преисполнишася, и темже медом исполнилися глаголы уст наших сицевые: Радуйся Преблагословенная, радость и мир в душах наших от любви Твоея возсия, радуйся Хартие, в нейже Слово Божественное написася. Радуйся от тли греховной нас избавляющая, радуйся к горнему от дольняго ум наш и очи возводящая. Радуйся от Тебе и наше с Богом Сретение, радуйся присное о нас Смотрение. Радуйся, Овча взбранная Вышним для рождения Агнца, радуйся от всех родов ныне ублажаемая. Радуйся Царице Небесная, Горо Тучная, еюже к человецем сниде Бог.

Песнь 7

Ирмос: Не послужиша твари богомудрии паче Создавшего, но огненное прещение. мужески поправше. радовахуся поюше: препетый отцев Господь и Бог благословен еси.

Пресвятая Богородице спаси нас

Токи чудес от святыя иконы Твоея не изсякают, мы же не токмо

им радуемся, но паче Самой Богородице, незримо спребывающей со всеми зовущими: отцев наших Боже благословен еси

Пресвятая Богородице спаси нас

Радуйся всех чтущих Тя радосте, миро многоценное и ладан благовонный, Церкве похвало; радуйся с нами зовущая: отцев наших Боже благословен еси

Пресвятая Богородице спаси нас

Како не возблагодарити Всевышняго о давнем Его о нас промысле, яко избра Тя Себе в благоприятное Ложе, из Неяже к миру погибающему изшед, и показа Тя яко Заступление готовое всем поющим: отцев наших Боже благословен еси

Пресвятая Богородице спаси нас

Радуйся, Горо Тучная, Радуйся Горо усыренная, от неяже отпаде Камень, сокрушаяй идолища бесовския, и разоряя капища еретическия, Сей бысть во главу угла в храмине отцев наших Боже благословенный.

Песнь 8

Ирмос: Отроки благочестивыя в пещи Рождество Богородичо спасло есть, тогда убо образуемое, ныне же действуемое. вселенную всю воздвизает пети Тебе: Господа пойте, дела, и превозносите Его во вся веки.

Пресвятая Богородице спаси нас

Моисей пришед к Горе Божией, слыша глас: «изуй сапоги от ног твоих: место бо, на нем же ты стоиши, земля свята есть», зане та Горо, идеже в купине огненней и в громах небесных явися Господь, преобрази Приснодеву, Тойже пойте и превозносите во вся веки.

Пресвятая Богородице спаси нас

Отрасль Давидова, взбранная по словеси пророка от всех людей, яко достойна бе, нас ныне сотвори Сына Твоего достойны, во еже пети Ему: Господа пойте, дела, и превозносите Его во вся веки.

Пресвятая Богородице спаси нас

От греха присно нас взывающу и из тяготы уныния нас возставляющу и к вечному животу призывающу, видим Тя, яко Чашу благословения и яко Стамно исполненная милости. Ты и ныне нам даруеши мир в душах, милости богатыя и зрение духовное, научая нас: Господа пойте, дела, и превозносите Его во вся веки.

Пресвятая Богородице спаси нас

Всеблагая Богородице, радостное наше, после долгих лет довлеющего в людех безумного безверия, Обретение, молим Тя и ныне, огради нас от врагов славы Твоея, от еретиков и растлителей чад наших, силою Сына Твоего и Отца и Духа Свята, иже Тебя от девства к материнству воззвавшего, мы же воспоим: Господа пойте, дела, и превозносите Его во вся веки.

Песнь 9

Ирмос: Всяк земнородный да взыграется Духом просвешаемь. да торжествует же не бесплотных умов естество, почитающее священное торжество Богоматери, и да вопиет: радуйся. Всеблаженная Богородице, чистая Приснодево.

Пресвятая Богородице спаси нас

Радуйся Горо Тучная, горняя храмино и воеводо небесных воинств. Радуйся Горо усыренная, мучеников Славо и мучителей студ несмываемый, Ты еси наша Любы и Надеждо.

Пресвятая Богородице спаси нас

Радуйся Горлице Небесная, украшение Царствия Божия, радуйся пророков Исполнение. Радуйся опора Православия, святителей неленостно на ниве Божией труждающихся Господняя Наградо.

Пресвятая Богородице спаси нас

Радуйся Русския Земли Покрове, радуйся граду Твери заступление, радуйся безмездных целителей благое вспоможение, радуйся благодатию наполняющая храмы Божий.

Пресвятая Богородице спаси нас

Пощади Боже рабы Своя многогрешныя, по молитвам Твоея Матери незримо зде с нами предстоящей, зримо же видим образ Ея честный, и кланяяся ему, покланяемся Тебе и Рождшей Тя, нас приснозаступающей.

Светилен: Да прославится Матерь Божия, яко рай нам вновь отверзшая; радуйтеся и веселитеся, яко Бог от Отроковицы непорочней к нам снизшед, и спас нас всех от руки вражией, Тому с любовию покланяемся.

Дважды

Слава и ныне:

Днесь ликует богохранимый град Тверь, Собор Тверских святых в небесех над Волгою Пречистой Деве служит, ангели с иконою ко престолу Всевышняго шествуют, Матерь Божия тою мир благословляет, и мы от земли в молитвах Ю во умилении славим.

На хвалитех стихиры, на глас 4:

Приидите добрые глашатаи славы Богородичей, возгласим во всех храмах Божиих хвалу Марии Деве, и возславим Ю нас Присномилующую, иже спребывает с нами в неисчислимых щедротах и благодеяниях от иконы Ея чудесным образом изходящих: Радуйся наше благое Утешение, радуйся Звездо

Утренняя, предваряющая Свет Невечерний, радуйся злобу потребляющая и в радость возводящая, радуйся Цвете Нетления, от мрака и праха тленнаго взывающая нас. Радуйся Горо благоухающая садом райским на верху Ея; Преблагая Мати Божия, от бед нас спаси.

Дважды

Приидите вси святии ангелы, приидите все святии благовестницы, Церковь Небесная торжествует, Богородице честь велия возносится, яко

престолу Господа Вседержителя, в ложеснах носившей содержащего вся, такожде и мы со всеми святими ныне воспоим радостно: Радуйся наших ближних от неверия воззвание, радуйся неутомимое о нас Заступнице, радуйся и мы с Тобою радуемся, яко невозбраняется ныне о тебе всякая радость, Ты бо еси всем скорбящим Утешение.

Радуйся Ево, праматерь человечества! Ликуй Адаме, издревле рай потерявший! Зрите чудо преблагословенное! Из Девы к чадам вашим снизшел сам Господь, и спасл еси всех на Него уповающих, и дарова нам Надежду и Заступление, Матерь Свою Пренепорочную, покоящую души всех, яже трудами и борением изтощенныя, и питающую алчущих утешения и помощи; Та нам в радость даша святую икону, от нея же туне исходит сила преблагая, всем к ней притекающим, приносяща великия милости.

Слава и ныне; глас тойже

Ублажаем Тя, нашу Заступницу, яко почтила град Богохранимий Тверь, зде ныне людие Твои, пред иконою Тучная Гора собрашася пение и молитвы тебе из глубины сердец во умилении приносят. Ты бо еси наше Заступление, Ты бо неоскудная Помоще, Ты еси чистота небесная и Теплото. От нея яко воск, тает хлад сердца и мрак в душах растворяется. Радуйся Преблагословенная, радуйся Господь с Тобою.

Славословие великое и отпуст

На литургии: служба Богородице.

Просмотров: 89