Служба Пресвятыя Богородицы ради чудотворной ея иконы «Тучная Горо» На велицей вечерне

Служба Иконе Божией Матери, именуемой «Тучная Горо»  на Утрени

На «Господи воззвах», стихиры на глас 8,

Подобен: О дивное чудо:

О дивное чудо, икона Божией Матери прославляется, от нея Дева Чистая нам чудотворит, яко слышит ухо Ея всякое наше моление; веселитеся людие пред нею собравшияся, взыграйте ангели ей песнословяще; Радосте земли российския, Покрове града Твери и всех чтущих Тя, Дево; бесов звероподобных Устрашение и ангелов молниезрачных Оружие непосрамимое, моли Сына Твоего и Бога, даровати нам велик» милость.

Дважды

Глас 2:

Егда древле Адам падоша и грозний ангел двери рая затвориша, тогда Слове Божий, сотворивший вся горняя и дольняя, уже прозре роду человеческому грядущее воззвание, и от падшаго естества пречестное возстание, Се бе Ты, Дево, Утробо чистая, от Тебе же Новый Адам в мир приедет, и дверь райскую отверзет, и Тя прославит и в честнех иконех благодать Твою нам явит, да бо и мы ныне всевозможно славили Тя, Богоблагодатную.

Егда по воле Вседержителевой сташа горы высоции, едина от них чистейшая и честнейшая, Гора Тучная, указующая прямые стези ко Господу, и содержащая на склонах своих обители райския, и Та пред нами зде, Ту на иконе Твоей святей зрим, яко Камень веры истинныя, яко опора Церкве Божией, Темже Тя славим и молим: претвори наше падение в благое поспешение, верно нам в борьбе со грехом победу Подающая.

Глас 6:

Яко корабль Твой от бури жестокия к тихому пристанищу пришед, и припаде к горе Афонстей, тако и мы бурями страстей по морю житейскому гонимии к тихому и покойному месту у ног Твоих, Мати

Пречистая, припадаем пред Горою Тучною, сиречь образом Твоим честным, в нем же, яко в кладезе надежды и силы, надежду и силу себе черпаем и ко всякому благому делу со смирением и верою приступаем, Тя и Сына Твоего славяще.

Славят Тя Неискусобрачную Матерь и Деву и святую икону Твою с нами преподобный Твой Савватий, и трудник Твой Косма, и старец Твой Коняев, и все тии праотцы наша, яже во трудех и пощениих, а паче в молитвах сердец своих сокрушенных приносили пред иконою Твоею чистые жертвы Богу и Свету светов, от Тебе рождшемуся во спасение наше, да и

мы тя благодарим, яко неоскудный источник благия помощи.

Ущедри Премилосердная верно Тя почитающих, милостивным Твоим заступлением, умасти елеем благодати Твоея, буии наши сердца, упокой стужаемых ненавистию и злобою, ублажи любящих благочестие, буди нам от бесчисленных прилогов диаволя непоколебимый Щит и Заступление, Тя присно славим, и Всемощнаго и Премилостиваго Сына Твоего, Сей бо молитвами Твоими нас спасл еси.

Матерними Твоими молитвами мы, раби Твои, спасаемся, и Тобою хвалимся и честною Твоею иконою; ту ныне во граде Твери спрославляем вси, песньми и славословием, и честною жизнию в послушании у Господа, присно от Тебе в сем помощь имамы; кто паче Тебе нас заступает, кто паче Тебе нас утешает, токмо Ты Пречистая Владычице Небесная, с сонмом ангелов и архангелов на крылю ветреню шествуеши, яко еси Божия всепобедная Воительнице.

Слава и ныне:

Приидите благочестивыя и усердныя овцы пажити Христовой, днесь почтим Матерь Пастыря и Господа, радуйся Марие Дево, радуйся украшенный собор Небесных сил, радуйся Церковь земная и небесная, ныне слава Богородицы возсия, ангели незримо сходят к человечеству преклоншему пред честным образом Ея колена и выи, всяк благочестивый ныне умиляется, вся тварь суетная да трепещет, поклонимся Матери Господа, дверь нам отверзшей в соединение с Творцом всяческих, Ему же в вышних слава и в людех честь велия и поклонение в Духе и Истине.

Вход.

Прокимен дне и чтения 3.

Исхода чтение [ Глава 19]

Бысть же в третий день бывшу ко утру, и быша гласи и молния облак мрачен на горе синайстей, глас трубный глашаше зело; убояшася все людие, иже в полце; изведе же Моисей люди во сретение Богу из полка, и сташа под горою. Гора же синайская дымяшеся вся, схождения ради Божия на ню во огни, и восхождаше дым, яко дым пещный; и ужасошася вси зело. Быша же гласи трубнии происходяще крепци зело; Моисей глаголаше, Бог же отвещаваше ему гласом. Сниде же Господь на гору синайскую на верх горы, и воззва Господь Моисеа на верх горы, и взыде Моисей; и рече Бог к нему глаголя: Сошед засвидетельствуй людем, да не когда приступят к Богу уразумети, и падут от них мнози; жрецы же преступающий ко Господу да освятятся, да не когда погубит от них Господь. И рече Моисей к Богу: не возмогут людие взыти на гору синайскую; Ты бо завещал еси нам глаголя: определи гору и освяти ю.+

Царств третиих чтение [Глава 19]

И рече Илиа: ревнуя поревновах по Господе Бозе Вседержители, яко оставиша Тя сынове израилевы; олтари Твоя раскопаша, и пророки Твоя избиша оружием, и остах я един, и ищут души моея изъята ю. И рече: изъыди утро и стани пред Господем в горе; и се мимо пойдет Господь, и дух велик и крепок разоряя горы и разрушая камение в горе пред Господем, но не в дусе Господь; и по дусе трус, и не в трусе Господь; и по трусе огнь, и не в огни Господь; и по огни глас хлада тонка и тамо Господь.

Пророчества Даниилова [ Глава 2]

Ты царю видел еси: и се тело едино, велие тело оно, и обличив его высоко, стоящо пред лицем твоим, и образ его страшен; тело, егоже глава от злата чиста, руце и перси и мышцы его сребряны, чрево и стегна медяна, голени железны, нозе, часть убо некая железна и часть некая скудельна; видел еси дондеже отторжеся от камень от горы без рук, и удари тело в нозе железны и скудельны, и истени их до конца; тогда сотрошася вкупе скудель, железо, медь, сребро и злато, и быстъ яко прах от гумна летня; и взят я премногий ветр, и места не обретеся им; камень же поразивый тело бысть гора велика и наполни всю землю.

На литии стихиры:

Глас 8:

Первее написавшейся Твоей иконе, евангельских тайн благовестником, к Тебе Царице принесенней, да усвоиши ту, и сильну соделаеши спасти чествующыя тя, и порадовалася еси, яко сущи милостива, спасения нашего содетельница, яко уста и глас иконе бывше, якоже и Бога внегда зачинающи во чреве, песнь воспела еси: се отныне ублажат Мя вси роди! И на ту зрящи глаголала еси со властию: с сим образом благодать Моя и сила, и мы истинно веруем, яко се рекла еси Госпоже, сим образом с нами еси. Тем благоговейно предстояще, покланяемся Тебе раби Твои, посети ны Твоими матерними щедротами.

Слава и ныне:

Возсия от облика чуднаго Богородицы, радость всем Ея песнословящим и с верою к Ней притекающим, и честную икону Ея лобызающим, яко чадом их подает изцеление, малодушных отводит от отчаяния, злобных умиротворяет и вразумляет, слепым просветляет очеса, и нам како после сего не радоватися, или убо неблагодарны, и жестокосерды, и грешныя есмы, но тщимся Твоими молитвами исправится. Празднуйте ныне вси люди русския, празднуй ныне и Церковь вселенская, вси да почтим Деву чистую, яко Спаса нам и Бога Рождшую и радость присную подающую нам.

На стиховне стихиры,

Глас 2:

Приидите вси боголюбивыя, возликуем о Пречистей нашей

Владычице, поклонимся пред святей Ея иконою, отнеяже будут бо нам радости премногая и милости прещедрыя.

Стих: Помяну имя Твое во всяком роде и роде

О Дево предивная, свет неприступный вместившая, Церковь образом своим незабвенным украсившая, приими наша немощные молитвы, всякое слово во славу Твою немощно бо есть.

Стих: Слыши дщи и виждь, и приклони ухо Твое.

Отвергшася притязания диаволя, отверзаем объятия Господеви, яко Мати Божия научает нас, Еяже чудотворный образ пред собою присно имамы, Пресвятая Дево слава Тебе во веки.

Слава и ныне:

Воспоим братие Отрасль древа Давидова, и пророков исполнение, Матерь Божию и по рождестве Деву, и Иродово посрамление, яко от Нея родися безсеменно Отроча Бессмертен, и Спасение наше явися несумненное, велиару злому студ и поражение, и Божией Премудрости свершение и велия Слава, Та нас любовию своею присно ублажает, яко мы Ея любимые чада заблудшия, Пресвятая Богородице и наша Хранительнице, моли за нас Христа Бога теплыми своими молитвами.

Тропарь, глас 4:

Владычице премилосердая,/ Мати святая Невместимаго вместившая,/ вразумляющая неразумных и утешающая малодушных,/ прибежище отчаявшихся и больных детей врачевание./ Яви нам, Дево Пресвятая, своя богатыя милости,/ спаси и сохрани люди Тебе почитающая, / Ты бо граду Твери покров и заступление

Трижды

Просмотров: 103